ESK sindikatuak Euskal Herriko hiri eta herrietako kaleak “Elkarbizitzarako, bakerako, etxerako bidean” lelopean larunbat honetan beteko dituen mobilizazioekin bat egiten du.

Urtarrilaren 8an, Euskal Herriko kaleak beteko ditugu berriz giza eskubideen alde, elkarbizitzaren alde eta salbuespenezko espetxe politikarekin behin betiko amaitzeko ordua delako.
Aurtengo leloa, Elkarbizitzarako. Bakerako. Etxerako BIDEAN izango da.

Elkarbizitzarako. Bakerako. Etxerako BIDEAN

Sindikalgintzatik denbora daramagu aldarri hauekin bat eginez. Horren adibide dira Bilbon hilabetero #IzanBidea dinamikarekin bat eginez egiten dugun elkarretaretzea eta Donostian, Gasteizen eta Iruñean egin diren mobilizazioak.

« Funtsezkoa da  elkarbizitzaren eta bakearen  bidean aurrera egitea. Biak ala biak, elkarlotuta doaz »

Elkarbizitzarako. Bakerako

Etxerako BIDEAN gabiltza gu ere, eta bide horretan jarraituko dugu bai urtarrilaren 8an eta baita aurrerantzean ere. Elkarbizitza ezinezkoa delako euskal presoei aplikatzen zaien salbuespen-legeriak eragindako eskubide-urraketa desagertzen ez bada. Eta, etxerako bidea gauzatu dadin eta espetxe-politikan hain beharrezkoa den erabateko aldaketa eman dadin, funtsezkoa delako elkarbizitzaren eta bakearen bidean aurrera egitea. Biak ala biak, elkarlotuta doaz. Eta gu ere, elkarrekin bide beraren baitan abian goaz.

Sareren deialdiak 2022ko urtarrilaren 8rako

Urtarrilaren 8an, berriro ere elkartu gaitezen. Herrialde bakoitzeko deialdiak hemen uzten dizuegu:

• Araba
  
• Bizkaia
  
• Gipuzkoa
  
• Nafarroa