Justiziak arrazoia ematen digu berriro. Justizia Auzitegi Nagusiak berretsi du enpresak dietak ordaindu behar dituela, indarrean dagoen Gipuzkoako metalaren hitzarmen kolektiboan ezarritakoaren arabera..

---

"Berriro ere, justiziak arrazoia ematen digu. Oraingoan, Justizia Auzitegi Nagusiak berretsi du dietak hitzarmenean ezarritakoaren arabera ordaindu behar direla"

---

Aldeko epai berria. Justizia Auzitegi Nagusiak arrazoia eman digu berriro. DIGI, ordaindu dietak!

 

ESK-k DIGIn hauteskundeak irabazi zituenetik, enpresak Gipuzkoako Metalaren Hitzarmen Kolektiboarekin bat etorriz dietak ordaintzeko betebeharra betetzea eskatu dugu. Hala ere, enpresak entzungor egin die gure bidezko aldarrikapenei, eta erabateko mespretxua erakutsi du hitzarmenean jasotako langileen eskubideekiko.

Abusu eta ez-betetze egoera horren aurrean, ez dugu zalantzarik izan irmotasunez jokatzeko. Lehenik eta behin, demandak aurkeztu genituen Donostiako Lan Arloko Epaitegian, eta argi eta garbi eman ziguten arrazoia. Baina DIGIk, erantzukizunei ihes egin nahian, epaia errekurritu zuen. Berriro ere, justiziak babesa eman digu: Euskal Autonomia Erkidegoko Auzitegi Nagusiak berretsi du dietak hitzarmenean ezarritakoaren arabera ordaindu behar direla.

Honako hauek dira zenbatekoak:

• 2022: 20,83 €lan egindako egun bakoitzeko
• 2023: 21,87 €lan egindako egun bakoitzeko
• 2024: 22,70 €lan egindako egun bakoitzeko
• 2025: 23,34 €lan egindako egun bakoitzeko

Hala ere, ez ginateke harrituko DIGI epai honen aurkako errekurtsoa berriro Auzitegi Gorenean jartzea aztertzen ari bada, zuzenbidez dagokion ordainketa atzeratzen eta saihesten saiatuz. Hori dela eta, baliteke oraingoz kopuru horiek ez ordaintzea erabakitzea.

DIGIk Gipuzkoako Metalaren Hitzarmena osorik bete dezan gure indar eta kemen guztiarekin borrokatzen jarraituko dugu, ez bakarrik arlo honetan, baita arlo guztietan ere.

Enpresaren edozein mugimenduri adi egongo gara eta edozein berritasunen berri emango dizuegu. Gogorarazten dizuegu ESK-ko delegatuekin harremanetan jar zaitezketela dieten erreklamazioa aurkezteko.