Urteak daramatzagu Emergentziak-Osakidetzako langileen egoera kaxkarra salatzen baina azken hilabeteetako egoera jasanezina bihurtu da Zuzendaritza taldearen kudeaketaren ondorioz. Nahiz eta Zuzendaria aldatu den, egoerak berdin jarraitzen du, langileen lan baldintzak okertzen ari dira, horretaz gain txanda asko bete gabe gelditzen dira,  herritarrei arreta emateko orduan horrek ekar dezakeen arriskuarekin.

Ezinegon eta jasanezintasun egoera honen aurrean, ez dago zalantzarik borrokan jarraituko dugula Emergentziak Osakidetzako zuzendaritzak benetako negoziaziorako borondaterik ez duela salatzeko, langileentzako eta zerbitzuarentzako baldintza duinak lortu arte, horrela, euskal herritarrei erantzun duina  emateko.

ELA, CCOO, LAB, SATSE, ESK, SME eta UGT sindikatuek elkarretaratzea egingo dugu urtarrilak 22an, 11tan Donostiako Gipuzkoa Plazan. Urtarrilak 24, 11tan Gasteizko Andre Maria Zuriaren plazan. Urtarrilak 26, 9.30tan Bizkaiko zentro koordinatzailean (Ornilla doktorearen kalea 1ª Otxarkoaga-Txurdinaga) eta 11tan Bilboko Mª Díaz de Haro kalean.

 Emergentziak Osakidetzako Langileen Batzordeko Sindikatuak