ESK-k datorren 17ko greba deialdiari eutsiko dio eta gaur egungo Osakidetzako arduradunei beraien dimisio gutunak prestatzea gomendatzen die.

Maiatzaren 17ko bigarren greba eguna aurki da eta Osakidetzak ez du oraindik greba batzordea deitu langileen eta sindikatuen eskaerak aztertzeko. Aldiz, mahai sektorialaren bidez proposamena bidali du eta mahaiko sindikatuekin aldezko bilerak egiten ari da, ESK baztertuz (DEIALDIAN PARTAIDE), baina deialdian parte hartu ez duten sindikatuak gonbidatuz.

Proposamen honek "egoera aztertzen jarraitzera"  eta batzordeak eta lantaldeak sortzera mugatzen da,   eskaeran dauden beste puntu guztiak kanpoan utziz. Nola liteke Osakidetzaren  proposamena Lehen Arretako langile kopurua aztertzea eta ESI bakoitzaren hierarkiako  egitura eta funtzioak ezagutzea izatea? Geroa, alferraren leloa.  Hilabeteak daramatzate "estrategia" bat saltzen eta saltzen, eta orain, egungo langile kopurua ezagutzea nahi dute.

ESK-k datorren 17ko greba deialdiari eutsiko dio eta gaur egungo arduradunei beraien dimisio gutunak prestatzea gomendatzen die. Osakidetzak eta herritarrok ez dugu gaitasun eza hau  merezi.