Lau kuota mota daude sindikatuan:

  • Kuota arrunta: 18,88 €/hileko (2025. urtea). 1.165,78 € gordinetik gorako diru-sarrerak dituzten pertsona guztiei aplikatzen zaie.

  • Kuota murriztua 8,31 €/ hileko (2025. urtea). 1.165,78 € gordinetik beherako diru-sarrerak dituzten pertsona guztiei zuzenduta dago. Urtero, urtarrilaren 1ean, kuota hori kuota arrunt bihurtuko da automatikoki, eta afiliatuak bere diru-sarreren maila erraztu beharko du kuota murriztua berriro izateko.

  • Lotura kuota: 6,42 €/ hileko (2025. urtea). Sindikatuari ekarpena egiten jarraitu nahi duten lan-jarduerarik gabeko pertsonei zuzenduta dago (erretiratuak, pentsiodunenak edo lan-merkatuan egon gabe gizarte-prestazioak jasotzen dituztenek). Kuota hori ordaintzen dutenek ez dute zerbitzu juridikoetarako eskubiderik izango, baina bai gainerako eskubideetarako (aholkularitza, sindikatuaren bizitzari buruzko informazioa, parte-hartzea...).

  • Kuota zabala: hilean 18,88 €-tik gorako beste edozein ekarpen  (2025. urtea) egin nahi dutenei zuzenduta dago.

Kuotak hiru hilean behin kobratzen dira.

 

ESKri buruzko ohiko galderak

  • Nola jarri harremanetan ESK sindikatuarekin? +

    Zure lantokian sindikatuaren ordezkaririk bada, bide hori da errazena ESKrekin harremanetan jartzeko.

    Aldiz, sindikatuaren zerbitzu juridikoarekin kontsulta bat izan nahi baduzu, telefonoz jarri behar duzu harremanetan gure egoitzekin hitzordu bat adosteko.

    Edozein zalantza, egonezin, kritika, iradokizun edota zorion helarazteko zuretzako erosoena den kanala hautatu dezakezu: posta-elektronikoa, telefonoa, sare-sozialak edota gure egoitzetan bertan.

     

  • Non daude ESK sindikatuaren egoitzak? +

    Hona hemen ESK sindikatuaren egoitzak:

    NAFARROA
    Iruñea
    948 224 124
    Emiliana Zubeldia 5, behea 31014
    nafarroa@esk.eus
    Mapa

    GIPUZKOA

    Donostia
    943 456 911
    Zorroaga Pasealekua, 17 behea 20011
    gipuzkoa@esk.eus
    Mapa

    Bergara
    943 761 365
    Artekale 10 20570
    bergara@esk.eus
    Mapa

    ARABA
    Gasteiz
    945 214 888
    Beethoven 10 behea 01012
    araba@esk.eus
    Mapa

    BIZKAIA
    Bilbo
    944 101 425
    Gral. Concha 12, 1. ezkerra 48008
    bizkaia@esk.eus
    Mapa

     

  • Nola eman izena ESKn? +

    Formulario hau beteta eta webgunetik bertatik bidalita izena eman dezakezu.

    Nahiago baduzu, gure egoitzetako batean izena eman dezakezu, baita gure sindikatu-atalen eta ordezkarien bitartez ere.

     

  • Ze afiliazio kuota mota daude sindikatuan? +

    Lau kuota mota daude sindikatuan:

    • Kuota arrunta: 18,88 €/hileko (2025. urtea). 1.165,78 € gordinetik gorako diru-sarrerak dituzten pertsona guztiei aplikatzen zaie.

    • Kuota murriztua 8,31 €/ hileko (2025. urtea). 1.165,78 € gordinetik beherako diru-sarrerak dituzten pertsona guztiei zuzenduta dago. Urtero, urtarrilaren 1ean, kuota hori kuota arrunt bihurtuko da automatikoki, eta afiliatuak bere diru-sarreren maila erraztu beharko du kuota murriztua berriro izateko.

    • Lotura kuota: 6,42 €/ hileko (2025. urtea). Sindikatuari ekarpena egiten jarraitu nahi duten lan-jarduerarik gabeko pertsonei zuzenduta dago (erretiratuak, pentsiodunenak edo lan-merkatuan egon gabe gizarte-prestazioak jasotzen dituztenek). Kuota hori ordaintzen dutenek ez dute zerbitzu juridikoetarako eskubiderik izango, baina bai gainerako eskubideetarako (aholkularitza, sindikatuaren bizitzari buruzko informazioa, parte-hartzea...).

    • Kuota zabala: hilean 18,88 €-tik gorako beste edozein ekarpen  (2025. urtea) egin nahi dutenei zuzenduta dago.

    Kuotak hiru hilean behin kobratzen dira.

     

  • Ba al du ESK sindikatuak erresistentzia-kutxarik? +

    Bai. ESK sindikatuak 2003tik bere erresistentzia-kutxa propioa dauka, 'Elkartasun Fondoa' izenekoa.

    Elkartasun fondoa tresna bat da aukera ematen diena greban dauden langileei oinarrizko diru-sarrera bat izan dezaten. Hartara, arrazoi ekonomikoak ez dira greba edo borroka-prozesu batean ez jarraitzeko oztopo.

    Gainera, Elkartasun Fondoa gure bazkideei beren borrokengatik jarritako isunei eta zigorrei aurre egiteko tresna bat ere bada.

     

    NOLA FUNTZIONATZEN DU ELKARTASUN FONDOAK?

    Elkartasun fondoak eguneko Lanbide Arteko Gutxieneko Soldataren baliokidea (37,80 €/eguna, 2024an) ordaintzen du, grebaren 3. egunetik hasita. Grebak 5 egunez baino gehiago luzatzen direnean, laguntza lehen greba-egunetik ordaintzen da. Lanuzte partzialak eta aldizkako grebak ere kontuan hartzen ditu Elkartasun Fondoak.

    Elkartasun Fondoaren laguntza jasotzeko eskubidea izateko, gutxienez, hiru hilabeteko bazkidetza eta kuotak egunean ordainduta izan behar dira.

    Hemen ikus dezakezu Elkartasun Fondoaren araudi osoa.

     

  • Ze zerbitzu daude sartuta bazkidetzaren barruan eta zeintzuk ordaindu behar dira? +

    Sindikatuko bazkidetzak sindikatuko kide izateko eskubidea ematen dizu, zure talentua eta ikuspuntua emateko foroetan parte hartuz eta lankideekin batera nahi eta behar dugun sindikatua eraikiz.

    Bazkide orok doako laguntza sindikala eta juridikoa jasotzeko eskubidea du lanari lotutako gaietan nahiz Gizarte Segurantzako eta gizarte-laguntzetako gaietan ere.

    Doako laguntzak ez ditu barne hartzen defentsa juridikoari dagozkion gastu gehigarriak, hala nola, prokuradoretzak, peritatzeak, notario-gastuak... Ordaindu beharreko kontzeptuak erreklamazioa egin aurretik adostu eta onartutakoak dira. Gurekin ez duzu sorpresarik hartuko.

    Sei hilabetetik beherako bazkidetza duten eta erreklamazio judizialak hasi behar dituzten pertsonei lortutako irabazien ehuneko bat kobratuko zaie, erreklamazioa irabazten denean betiere.

    Sindikatuak laguntza juridikoa ematen die jardun sindikalagatik errepresaliatutako ordezkari eta militanteei.

     

  • Ze motatako sindikatua da ESK? +

    ESK sindikatuak Hego Euskal Herriko lau lurraldeetan (Araba, Bizkaia, Gipuzkoa eta Nafarroa) lan egiten du eta ez dago inolako alderdi politikori lotua.

    Gure jardun sindikalaren arlo nagusia bereziki pertsona prekarioen eta txiroen aldekoa da. Sindikalismo feminista da, zeinari ez baitzaio gustatzen bizi dugun ekonomia-sistema.

    ESKk ez ditu lan-arloko gaiak soilik abordatzen. Langile-klaseak bestelako arazoei aurre egiten diela uste dugu, eta hori dela eta, gure jardunean txertatzen ditugu beste alor batzuk, hala nola: etxebizitza-eskubidea, jasangarritasuna, antimilitarismoa, euskara, erabakitze-eskubidea, migrazioak edo feminismoa. Horiek guztiak ESK sindikatuaren dimentsio guztietan egunetik egunera gehiago txertatzen saiatzen gara.

    ESKn borrokaren alde egiten dugu eskubideak lortzeko eta langileen arteko elkartasunaren bidean, kapitalismoaren ankerkeria gero eta bortitzagoari aurre egiteko.

    Oinarrizko jarduera sindikala egiten dugu, hau da, gure bazkideek sindikatuaren erabakietan parte har dezakete. Saiatzen gara «burokrazia sindikala» saihesten baita ESKren jarduna gure militanteen konpromisoan eta zintzotasunean oinarritzen ere.

     

     

  • Ba al dago gutxieneko bazkidetza-iraupen bat ESK sindikatuan? +

    Ez. Bazkidetza guztiz librea eta boluntarioa da.

    Gure antolakundera gerturatzen diren pertsonen borondate onean fidatu nahi dugu.

    Ez dugu bat egiten beste eragile batzuek egiten dituzten ‘iraunkortasun-kontratuekin’ edo kuotak aurrez pagatu behar izatearekin.

     

  • Nork hartzen ditu erabakiak ESK sindikatuan? +

    ESK sindikatuaren parte-hartze eta erabakitze-organoak zabalik daude etengabe bazkideek parte hartu dezaten.

    ESKren antolakuntza honako hau da:

      1. Non erabakitzen da?

        • Asanblada Nagusia
          Bost urtetik behin egiten da. Organo honek erabakitzen du hurrengo aldiaren sindikatu-lerroa. Koordinakunde Nazionala osatzen duten kideak hautatzen dira bertan. Bazkide orok du hitz egiteko eta bozka emateko eskubidea.

        • Batzorde Nazionala
          Organo honek ikasturteroko erabaki politiko, sindikal, ekonomiko edo eratzaile garrantzitsuenak hartzen ditu. Bazkide guztiek parte har dezakete. Herrialde batzordeetan ordezkari izendatutako pertsonek (60 lagun) dute bozka emateko eskubidea.

        • Herrialdeetako Probintzialak
          Herrialde bakoitzean Batzorde bat dago. Batzorde hauek eguneroko jardunaren sindikatuaren zuzendaritza dira. Edozein bazkidek bere iritzia emanda parte har dezake. Herrialdeko biltzarretan hautatutako ordezkariek dute hitz egiteko eta bozka emateko eskubidea.
          nafarroa@esk.eus
          gipuzkoa@esk.eus
          araba@esk.eus
          bizkaia@esk.eus

        • Atal sindikalak
          Organo hau enpresa edota lantoki bakoitzean sortzen da eta bertan parte har dezakete bazkide guztiek. Sindikatu-atalean pertsona orok du hitz egiteko eta botoa emateko eskubidea.

      2. Non koordinatzen eta kudeatzen da?

        • Koordinadora
          Organo honek dinamizatzen du sindikatua egunez egun. Batzar Nagusian hautatutako ordezkariek osatzen dute. Hitz egiteko eta bozka eskubidea dute eta bost urtean behin berritzen da. Gaur egun kide hauek osatzen dute: Jabier Saenz, Iratxe Álvarez, Txejo Ortega, Felix Irizar eta Isabel Castro.
          nk@esk.eus

        • Antolagune
          Koordinakunde Nazionalaren laguntza-organoa da. Batzar Nagusi batetik bestera erabakiak hartzen laguntzeko ardura du.
          antolagune@esk.eus

      3. Parte hartze zabaleko esparruak

        • Ordezkarien Batzarrak
          Herrialdeka egiten den batzar honetan ESKk sekzio sindikala duen enpresa guztietako ordezkariek parte har dezakete. Pertsona orok du hitz egiteko eta bozka emateko eskubidea.

        • ESK-ko topaketak
          Gutxienez urtean behin biltzen den militantzia osoari irekita dagoen nazio mailako topaketa, eztabaidatzeko eta prestakuntzarako.

      4. Lantaldeak 

        Hainbat lantalde daude jardun jakinetan aritzen direnak, eta bertan edozein bazkidek du hitza eta bozka emateko eskubidea.

        • Ekintza Sindikalako lantalde
          talde honen ardura da baliabideak sortzea, baita gure sindikatu-ataletako eguneroko lana elikatzea ere.
          ekintza.sindikala@esk.eus

        • Lan Osasuneko lantaldea
          espazio honek antolatzen ditu, lan-baldintzak hobetu asmoz, lantokietako prebentzioaren eta lan-osasunaren alorretako formakuntzak, tailerrak, materialak... Laneko ezbeharren aurkako lan unitarioa koordinatzea.
          lan.osasuna@esk.eus

        • Komunikazio lantaldea
          Atal honek ESKren mezu orokorrak bazkideei eta gizarteari helarazten dizkio.
          web@esk.eus

        • Administrazio eta finantzen lantaldea
          Gune honetan administrazio-lanak koordinatzen dira eta kontabilitatea, finantzak eta Elkartasun Fondoa kudeatzen dira.
          administrazioa@esk.eus

        • Lantalde Feminista
          Diskurtso eta praktika feministak garatzen ditu ESKren kanpoko eragileetara nahiz barruko organoetara bideratuta. Organo hau harremanetan dago mugimendu feministaren espazio ezberdinekin.
          emakume@esk.eus

        • Formazio lantaldea

        • Aholkularitzen lantaldea
          Aholkularitza juridikoen arteko koordinazio-taldea.

      5. Bestelako esparruak

        • Indarkeria Matxistaren aurkako protokoloa

        • Hausnarketarako txokoa
          Espazio honetan inguratzen gaituen errealitatea aztertzen dugu eta gizartea eraldatzeko proposamen politiko-sindikalak egiten ditugu.

        • Argilan-ESK
          Gizarte-bazterketaren aurkako ESK sindikatuaren plataforma da. Espazio independente gisa sortu zen sindikatuaren barruan, gizarte-bazterketaren aurka eta eskubide sozialen alde borrokatzeko.
          info@argilan-esk.org

    ESKn barne mailako desadostasunak onartu eta errespetatzen ditugu, eta organo bakoitzaren autonomia kontuan hartzen dugu.

    ESKren antolaketari buruzko informazio gehiago »

     

  • Ze aliantza du ESK sindikatuak? +

    Aliantza egonkorrak: ESKk bere aliantza sindikal egonkorrak beste erakunde sindikalen ideien arabera egiten ditu.


    Sektoreko aliantzak: Lantegietan eta sektore-borroketan, ahalik eta batasun handiena lortzen saiatzen gara (normalean aliantza dugun sindikatuekin, eta ez dugunekin ere). Helburua enpresen gehiegikeriei aurre egiteko indar handiena lortzea da.

     

  • Abertzalea al da ESK sindikatua? +

    ESK sindikatuak sentimendu eta identitate ezberdineko pertsonak biltzen ditu.

    Herrien eta pertsonen erabakitze-eskubidearekiko errespetuak batzen gaitu.

    Herrialde ezberdinetako langileen elkartasunaren alde egiten dugu.

     

  • Kobratzen al ditu ESK sindikatuak dirulaguntzak? +

    ESKren diru iturrien % 98 bazkideen kuotetatik eta zerbitzu-juridikoetatik dator. Bazkideen kuotek bermatu egiten dute sindikatuaren egitura eta ohiko funtzionamendua. Hori dela eta, edozein gobernu eta instituziorekiko independente gara eta aukera ematen digu, biziraupen ekonomikoaren baldintzapean egon gabe, erakunde horiei presioa egiteko.

    ESKk ordezkaritzaren arabera legez ezarritako dirulaguntzak jasotzen ditu gobernu zentralaren, Eusko Jaurlaritzaren eta Nafarroako Gobernuaren aldetik. Diru hori sindikatuaren urteko aurrekontuaren % 2 baino ez da.

     

  • Zenbat kide ditu ESK sindikatuak? +

    2025ko urtarrilan 7.100 kide gara.

     

  • Arreta egiten al die ESK sindikatuak bazkideak ez direnei? +

    ESK sindikatuak ez dio atea inori ixten, ez eta bere aholkua inori ukatu ere. Guretzako bazkidetza oso garrantzitsua da, izan ere, gure diru-sarreren % 95 bertatik dator. Baina langileak horren aurretik daude.

    Gure zerbitzu juridikoek zure defentsaren ardura har dezaten nahi baduzu, baina dena delakoagatik bazkidetu ezin bazara, pasa zaitez gure egoitzetako batetik eta topatuko dugu konponbiderik.

     

  • Nola eman baja sindikatuan? +

    ESK sindikatuan baja eman nahi baduzu, era argian helarazi behar diguzu. Arrazoiak jakin nahiko genituzke gure lan egiteko modua hobetze aldera.

    Idatzi egin dezakezu, posta elektronikotik, baja emateko nahia adierazita. Izen-abizenekin eta NAN zenbakiarekin identifikatu beharko zara.

    Gure egoitzetako edozeinetan ere baja eman dezakezu.

     

     

  • Ze harreman dauka Argilan-ESK-k ESK sindikatuarekin? +

    Argilan-ESK Bazterkeriaren kontrako borroka-plataforma bat da, zeinaren oinarrian ESKko bazkideak baitaude.

    Argilan-ESKn sindikatuari lotuta ez dauden pertsonek ere parte hartzen dute bazkideekin batera, eta sindikatuaren organoekiko errespetuz eta erabateko autonomiaz lan egiten du.

     

  • Zer esan nahi du ESK laburdurak? +

    Ezker Sindikalaren Konbergentzia hitzen laburdura da ESK.

    1970 hamarkadaren amaierarako gure jarduera ‘hautagaitza bateratu’ gisa hasia zegoen arren, 1985an jaio zen ofizialki ESK-CUIS. 1988an, Euskadiko CCOOren Ezker Sindikala korrontea batu zenean, ESK izatera pasa zen.

    ESKren historia

     
  • 1

Borrokatzeak merezi du

Sanmarkosene: akordioa 81 eguneko grebaren ostean

Errenteriako Sanmarkosene egoitzan 81 eguneko greba egin ostean, kaleratzeak geldiarazteko eta, oro har, langileen lan-baldintzak hobetzeko akordioa lortu da. Irakurri

Gipuzkoako Foru Aldundiaren garbiketako aurreakordioa sinatu da

Gipuzkoako Foru Aldundiko eraikinak eta lokalak garbitzen dituzten langileak zoriondu nahi ditugu, negoziazio luze eta gogorragatik. Negoziazio horretan, modu nekaezin… Irakurri

INDESAren 2024-27rako hitzarmen kolektiboa sinatu da

INDESA-ren hitzarmen kolektiboa sinatu da 2024-2027 aldirako, ia 5 urtez hitzarmen kolektiboa berritu gabe egon ondoren. Borrokatzeak merezi du! Irakurri

GUASCOR-rek metalaren hitzarmena aplikatu eta soldatak erregularizatu behar ditu

ESK-k salaketa jarri ondoren, auzitegiek Guascor behartzen dute Gipuzkoako metalaren hitzarmena aplikatzera eta soldatak erregularizatzera. Epai honek aurrekari bat ere… Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
     Ametsak borrokatuz!