Laneko prekarietatea, segurtasunik eza dagoenean gertatzen den egoera da, ziurgabetasuna eta bere baldintzetan berme falta eragiten duen lana dagoenean, eta, bereziki, langilearen oinarrizko beharrak betetzea ahalbidetzen ez duten ordainsariak daudenean.

Prekarietatea, bereziki sektore feminizatuetan

Gehiegizko behin-behinekotasuna, gutxieneko bizi-premiak betetzera iristen ez diren soldatak, lanaldi partzialeko kontratuak, ezkutuko lana eta autonomo faltsuaren kontratua dira prekarietatearen arrazoietako batzuk, eta horiek guztiak, edo ia guztiak, azpikontratazioan gertatzen dira, enpresa handiek egindako kontratazioetan baino ehuneko handiagoan, eta, kasu honetan ere, bereziki sektore feminizatuetan eragiten dute, hala nola telemarketingean, garbiketan, Kellyetan...

Azpikontratazioak prekarizatu, pobretu eta hil egiten du

Azpikontratazioak gure plantillak zatitu eta ahultzen ditu, gure defentsa sindikala eta negoziazio kolektiboa zailduz. Kasu askotan, sektoreko hitzarmenak enpresa nagusiaren hitzarmenak edo azpikontratetako enpresa-hitzarmenak baino askoz ere baldintza okerragoetan egiten dira, erreferentziazko sektorekoak baino baxuagoak.

Azpikontratazioak hil egiten gaitu. Istripu-arriskua esponentzialki handitzen da, laneko segurtasunaren zaintza zailtzen delako, edo zuzenean azpikontratetako langileak segurtasun-neurri egokirik gabeko lanak egitera "behartzen" direlako, eta hori enpresa nagusian egitea debekatu egiten da.

Horren erakusgarri, Gas2Move enpresako gure lankideak ditugu, Fedexen enpresaren azpikontrata. Abenduaren 9tik greba mugagabean ditugu salgaiak errepidez garraiatzeko Arabako hitzarmenaren aplikazioa eta kaleratutako bi lankideren berronartzea eskatuz.
Beste adibide bat Ferrosoerreko langilea, Michelin enpresako azpikontrata bat, joan den asteazkenean istripu larri bat izan zuen, eta eskuko hatzen zati bat galdu zuen.

Azpikontratazioak prekarizatu, pobretu eta hil egiten du; hau guztia salatzeko, eta azpikontratazioaren bukatzeko gure konpromezua adierazteko, ESK sindikatuko Arabako delegatuak kontzentrazio bat egin dugu Gasteizen gaur goizean.