Bergarako Udaleko langileok egoerarekin oso kezkatuta eta haserre gaude. Hori dela eta, Alkateari akordiorako 5 puntu proposatu dizkiogu; honekin batera mobilizazioak antolatu ditugu.
« Langileok negoziazioetan erabakitzen denaren gaineko inongo ziurtasunik edo bermerik ez dugu »
Bergarako Udaleko langileok 2010etik gure lan baldintzen etengabeko narriadura pairatzen ari gara.
Denbora honetan eros ahalmenaren %20 inguru galtzeaz gain, lan hitzarmena ez da 2012az geroztik berriztu. Honi gainera, %40aren inguruko behin behinekotasun onartezina dugula gehitu behar diogu.
Aurretik aipatutakoari, azken 2-3 urteetan tokiko negoziazio mahaian aurrera pausorik ez eta gatazkak dira nagusi. Oinarrizkoak izan beharko luketen prozedurak ez dira betetzen eta langileok negoziazioetan erabakitzen denaren gaineko inongo ziurtasunik edo bermerik ez dugu.
Langileok oso kezkatuta eta haserre
Langileok egoerarekin oso kezkatuta eta haserre gaude. Hori dela eta, irailaren 3an egindako Udal langileon Batzarrean tokiko mahaiaren egoera konpartitu ondoren, Langileen Batzarrak honako erabaki hauek hartu ditu.
- Egoera konpontzen laguntzeko 5 puntutan laburbiltzen den oinarrizko eskaera Alkateari helaraztea:
- Negoziazio Mahaiaren funtzionamendu ordenatu eta gardena bermatzea. Negoziazio mahaia lanerako tresna eraginkorra izateko.
- 2024. urtea amaitzerako egungo lan postuen balorazio orokorraren prozesua amaitua izatea.
- Giza baliabideak kudeatzeko eta belaunaldi aldaketa planifikatuan ezaguera transferitzeko Plan Estrategikoaren proposamena egitea eta urria amaitzerako aurkeztea eta onartzea.
- Lan Hitzarmen berria negoziatzen hasteko egutegia zehaztea eta adostea.
- Kontratazio politikak. Lan postu publikoak garatu eta enplegua egonkortzeko Bergarako udaleko plan orokorra egitea.
- Negoziazio Mahaiaren funtzionamendu ordenatu eta gardena bermatzea. Negoziazio mahaia lanerako tresna eraginkorra izateko.
- Egoeraren salaketa eta mobilizazio dinamikarekin hastea.
Mobilizazioak
- Irailak 9: 12:30ean Langile ordezkarien elkarretaratzea.
- Irailak 10: 11:30-13:30 Kotxe karabana.
- Irailak 11: 12:00etan langileen batzarra Udal Aretoan.
Bergarako Udal Langile Batzarra
Urtarrilaren 16an eta otsailaren 1ean Osakidetza defendatzera goaz!
Correosen abusuaren aurrean planto egiteko unea iritsi da
Asparrenako Udalaren lanpostuak baloratzeko proposamena deusestatzen dugu
Zerbitzu publikoen defentsan, fiskalitatea aldatu eta aberastasuna banatu!
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
- 39
- 40
- 41
- 42
- 43
- 44
- 45
- 46
- 47
Ametsak borrokatuz!