Arabako Esku-hartze Sozialaren sektorean bi greba-egun deitu ditugu langileen erosteko ahalmena bermatzen ez duen hitzarmenaren negoziazio-mahaia desblokeatzeko.

« Elikagaiak, energia eta oinarrizko hornidurak igotzen badira, soldatak   maila berean   eguneratu behar dira »

Urte eta erdi baino gehiagoko negoziazioaren ostean eta 20 mahai negoziatzaileren ondoren, Arabako Esku-hartze Sozialeko hitzarmena blokeatuta dago oraindik. Akordioa lortzeko oztopo nagusia hitzarmena indarrean dagoen bitartean erosteko ahalmena bermatzea da.

Une honetan, AISAk hitzarmenak zehazten duen eros ahalmena mugatu egiten du. 2021etik 2024ra KPIa % 11,5etik gora igotzen bada, AISAk planteatzen du ez dituela soldata-taulak eguneratuko muga horretatik harago.

Elikagaien, energiaren eta oinarrizko horniduren prezioa muga horretatik gora igotzen bada, sindikatuok ez dugu onartuko sektoreko langileon soldatak maila berean ez eguneratzea.

Azken batean, patronala itxita dago soldatak bizitzaren kostuaren arabera eguneratzera eta sektoreko 5 sindikatuok argi eta garbi esaten dugu honaino iritsi garela, Arabako esku-hartze sozialeko sektoreak planto!!

Gure erosteko ahalmena bermatuko duen hitzarmen duin bat nahi dugu!! KPI bai ala bai!

Ekaina 17 eta 22 greba

Eta hori lortzeko, sektoreko langileekin kontrastatu ondoren, bi greba-egunetarako deialdia egitea erabaki dugu, ekainaren 17rako (ostirala) eta ekainaren 22rako (asteazkena).

Laster izango duzue bi greba-egunei edukia emango dieten deialdien berri. Ekintza horiek denon artean prestatzea erabaki dugu, datorren astelehenean, ekainaren 6an, 16:00etan ESKren egoitzan (Beethoven, 10, behea) bilduko den lantalde baten bidez.

Greba-deialdiak prentsaurreko batean iragarriko dira, ekainaren 8an, 10:00etan, probintzia plazan. Prentsaurrekoarekin batera, elkarretaratze bat egingo dugu, eta guztioi parte hartzeko eskatzen dizuegu.

Ondoren, propaganda banatu eta sektorearen egoera eta hitzarmenaren negoziazioa sozializatuko ditugu, egun osoa kalean egongo gara, 14:00ak arte probintziako plazan, eta 16: 00etatik 18:00etara Loma Jeneralaren plazan, Andra Mari Zuriaren sarreran.

Asanbladak lantokietan

Aste hauetan zehar, lantoki guztietan batzarrak egitera animatzen zaituztegu, egungo egoera azaltzeko eta horri buruz eztabaidatzeko, eta greba- eta mobilizazio-egunetan parte hartzera animatzeko, gure babesa behar baduzue, jarri zaitezte lasai asko gurekin kontaktuan. Gure kontaktuak uzten dizkizuegu batzarrak deitzen laguntzea edo lantaldean sartzea
nahi baduzue:

• ELA Nuria (nvallejos@ela.eus)
• CCOO Pedro (pedrodominguez@ccoo.eus)
• LAB Lorena (l.rejo@lab.eus)
• ESK Jabi Jabier (jabier.saenz@esk.eus)
• UGT Ana (ana.fpu@ugteuskadi.org)

Parte hartzera eta guztiontzako hitzarmen duin baten aldeko borrokaren protagonista izatera animatzen zaituztegu, ORAIN DA MOMENTUA!

Esku-hartze soziala planto! KPI bai ala bai!
Ekainaren 17an eta 22an, hitzarmen duin baten aldeko grebara!